Thursday, April 14, 2011

ಹೀಗೇನೆ…



(ಕೃಪೆ: ಅವಧಿ ಬ್ಲಾಗ್ )
ಧ್ಯರಾತ್ರಿಯಲ್ಲಿ
ಎದ್ದುಹೋದ ಬುದ್ಧ,
ಗೆದ್ದರೂ ಕ್ಷಣದಲ್ಲಿ
ಬಿದ್ದುಹೋದ ಗೊಮ್ಮಟ.
ಆಕಾಶ ನೋಡಲು
ದುರ್ಬೀನು ಬೇಕೇ?
ಬಟ್ಟಬಯಲಲ್ಲಿ
ಖಾಲಿಖಾಲಿಯಾಗುವದೆಂದರೆ ಹೀಗೇನೆ..
*
ಅಪ್ಪನ ಕೈಯಿಂದ
ಗಾಳಿಯಲ್ಲಿ ಹಾರಿದ ಮಗು.
ಮತ್ತೇ ಹಿಡೀತಾನೆ ಬಿಡು
ಅಂತ ನಗುತ್ತಿತ್ತು.
ಗಾಳಿಗೂ ವಿಚಿತ್ರ
ಮುಲಾಜು.
ಸತ್ತು ಹೋಗುವಷ್ಟು
ನಂಬುವದೆಂದರೆ ಹೀಗೇನೆ..
*
ತೇಲಿಸಿದಳು ಕುಂತಿ

ತೆಪ್ಪದಲಿ ಮಗನನ್ನು;
ತುಪ್ಪದ ಭಾಂಡಲೆಯಲ್ಲಿ
ನೂರೊಂದು ಮಕ್ಕಳು.
ಹುಟ್ಟಿಸಿದ ದೇವರು
ಹುಲ್ಲು ಮೇಯುತ್ತಿದ್ದ.
ಕತ್ತಲೂ ಕೂಡ ಮಿಂಚುವದೆಂದರೆ ಹೀಗೇನೆ..
*
ಸುತ್ತಲೂ ಕರ್ಕಶ

ಆದರೂ ಕೇಳಿಸದು.
ಎಲ್ಲೋ ನಿಡುಸುಯ್ಯುತ್ತಿರುವ
ಲಬ್ ಡಬ್‘ ಅವಳದೇನಾ?
ಆದಷ್ಟು ಬೇಗ
ವೈದ್ಯರನ್ನು ಕಾಣಬೇಕು.
ಶಬ್ದದೊಳಗೆ
ನಿಶ್ಶಬ್ದವಾಗುವದೆಂದರೆ ಹೀಗೇನೆ..
*

ಸಡಗರದಿ ನಾರಿಯರು
ಹಡೆಯುವಾಗ ಸೂಲಗಿತ್ತಿ;
ಅಡವಿಯೊಳಗೆ ಹೆರುವ
ಮೃಗವ ಹಿಡಿದು
ರಕ್ಷಿಸುವರ್ಯಾರು?
ಯಾರು?
ಗೊತ್ತಿಲ್ಲ.
ಆದರೆ 
ದಾಸರು ನೆನಪಾಗುವದೆಂದರೆ ಹೀಗೇನೆ…
---

2 comments:

Anonymous said...

Abba....'heegene' yestu channagi kavithe baridiri sir....Super...yestondu OLaratha, yestondu goodartha 4 saalugaLalli.. Nanage thumba estabada kavithe ri edu...keep writing sir...

Gayatri said...

Abba....'heegene' yestu channagi kavithe baridiri sir....Super...yestondu OLaratha, yestondu goodartha 4 saalugaLalli.. Nanage thumba estabada kavithe ri edu...keep writing sir...